في الحقيقة بداية الشعور بحركات الجنين بتكون في الشهر الخامس من الحمل. لكن، ده مش الأكيد عند كل النساء. في نساء المدة دي بتفوت عليهم من غير أي إحساس بحركة الجنين. بسبب، أن يفرق جدا اذا كان الحمل ده أول حمل أو لأ. فمن السهل أوقات أن المرأة تحس بالتحركات (والي في البداية بتكون بسيطة) في الفترة ما بين 4:3 شهور حمل. زي ما من الصعب أن غيرها يحس بالتحركات في نفس المدة. إنما، لو كان الحمل مش أول مرة فطبيعي ان المرأة تحس بالحركات في الفترة مابين 14:13 اسبوع من الحمل.

ايه أسباب إحساسك بحركة الجنين :

المؤكد إن طول ما في نشاط بدني مش هيبقي في شعور بحركات الجنين. وده يفسر عدم شعور بتحركات الجنين في أوقات النهار. لكن، هتشعري بيها في الحالات دي :

• عند أوقات الراحة و الإسترخاء ، تحديدا في نهاية اليوم.

• بعد الأكل. خاصتا ، لو كلتي سكريات هتزيد حركة الجنين، وده بسبب إن السكر بيمد جسم الجنين بالطاقة الي تساعده علي الحركة.

• في حالة أنك توترتي أو إنفعلتي حركة الجنين هتزيد ، بسبب فرز جسمك لهرمون الأدرينالين الي بدوره بيساعد الجنين علي الحركة.

وإيه أسباب عدم إحساس غيرك بحركة الطفل :

في 3 أسباب يجعلوا الستات متحسس بحركات الجنين داخل رحمهم والي هما :

• في حالة لو كانت المرأة تعاني من زيادة في الوزن ، خاصتا لو كان الوزن محيط بمنطقة البطن. فنظرا لسماكة جدار البطن هيتأخر إحساس الأم بحركات جنينها الى أن يصدر منه حركات أقوى.

• في حالة لو كانت المشيمة أمام الرحم . لإن في الحالة دي علشان تحس الأم بحركة الجنين يلزم عليه أنه يبذل مجهود أكبر .

• وفي الأخر وضعية الجنين بتفرق ، في وضعيات بتشعر الأم فيها بتحركاته ، وفي وضعيات مش متاح للأم فيها أنها تحس بتحركاته.

هل لازم أتابع حركات الجنين على مدار اليوم؟

مش من الضروري متابعتك لعدد تحركات الجنين، لإن مفيش عدد معين من الحركات محدد . لكن لو حسيتي بحركات غير إعتيادية توجهي للدكتور للإطمئنان إن مفيش أي مشكلة .

ومتنسيش إن حركة الذكر أقوي من حركة الأنثى.

شاهد ايضا

إيه الفرق بين الولادة الطبيعية و القصيرية؟