المكرونة البشاميل

طريقة عمل المكرونة البشاميل خطوة بخطوة

طبخ, معكرونة By سبتمبر 30, 2022

طريقة عمل المكرونة البشاميل طريقة مش صعبة، ولكنها سهلة بتطبيق كل خطوة ورا خطوة. وهذا ما سوف نناقشه في مقالنا اليوم من تجهيزات على سبيل المثال تعصيج اللحمة المفرومة وسلق المكرونة وأكيد صوص البشاميل.

المكونات:

  1. اثنين لتر حليب صافي من عند اللبان.
  2. نص كيلو لحمه مفرومه.
  3. ثمانية معالق دقيق ابيض بديل الأكياس الجاهزة أو خلطه البشاميل.
  4. ثلاث بصلات متقطع مكعبات
  5. أربعة قرون فلفل اخضر بارد او ألوان متقطع مكعبات وعدد 1فلفل حار متقطع.
  6. عدد اثنين طماطم متوسطه الحجم مقطعه مكعبات.
  7. نص معلقه كبيره ملح وكمون وكزبرة ناشفه وفلفل أسمر.
  8. عدد اثنين كيس مكرونة بشاميل.
  9. ماء لتسويه المكرونة.

طريقة عمل المكرونة البشاميل:

لتحضير اللحمة المفرومة:

  • نحضر حله واسعه أو طاسه نسكب فيها ٥معالق زيت وننزل عليه بالبصل المكعبات الي أن يدبل معانا لا يتحمر.
  • ثم بعد ذلك نسكب عليه الفلفل الاخضر او الألوان والفلفل الحار ونقلبهم مع بعض جيدا لحد ما يدبلوا مع بعض.
  • بعد ذلك ننزل بالطماطم وبعدين ننزل باللحمة ونفضل نقلب لحد ما شكل اللحمة يتغير لونه من الاحمر إلى لون تأنى وتكون شبه ناشفه كده معانا وفرفرت كده.
  • وأخيرا نقلبها جيدا مع البصل والفلفل والطماطم ونحط عليها البهارات ونغطى عليها لحد ما تستوي ونطفى عليها.

 سلق المكرونة:

  • نحضر حله واسعه نضع فيها اثنين لتر ماء او على حسب قدر الحلة ونحط عليها معلقتين كبار ملح وزيت لحد لما الماء يغلى نسكب عليها بأكياس المكرونة لحد ما تنسلق جيدا بعد ذلك نقلبها.
  • بعد ذلك في مصفاة تصفى الميه ونغسلها تحت الحنفية كي لا تلتصق ونرش عليها كمان ملعقتين زيت نقلبهم فيها علشان تكون مفرفره.

كيفية تحضير البشاميل:

  • أولا نحضر الخلاط الكهربائي نسكب فيه اللبن والدقيق ومعلقة ملح وفلفل أسود وكيس مرقه دجاج وشويه كمون وكزبرة ناشفه ونضربهم جيدا في الخلاط. ولو الخلاط ما خدش اثنين لتر اللبن ممكن نعمل المكونات دي على لتر لبن وباقي اللبن نفضيه على باقي المكونات في الحلة.
  • ثم بعد ذلك نحضر حله نحط فيها ملعقة كبيره سمنه اوزيت تسخن أوى نسكب عليها المكونات اللي ضربناها بالخلاط ونفضل نقلب لحد ما شكل البشاميل يتقل معانا ونطفي لما يستوي.

طريقه تحضيرها بالصينيه:

  • نحضر صينية مستطيلة الشكل بتكون واسعة نسكب عليها شويه بشاميل في قاع الصينية وبعدين نصف كمية المكرونة بس نقلبها بشويه بشاميل الاول وبعد كده نفردها بالصينية.
  • وبعدين اللحمة المتعصجه وبعدين ننزل عليهما بالنص الثاني من المكرونة بس نكون مقلبينهم بشويه بشاميل.
  • وبعدين نضغط عليها كده لحد ما نفردها جيدا بالصينية وبعدين ننزل بالبشاميل ونفرده جيدا من فوق. وندخلها على فرن يكون سخن على درجه حرارة ٢٠٠او ١٨٠ درجه لما تستوي من تحت نفتح الشواية تأخذ لون أحمر من فوق وطفى عليها.
  • نسيبها لما تهدأ ونقدمها في الأطباق.

وبالف هنا وعافيه على قلب اللى يأكلها يارب تكون عجبتكم وكانت دي أسهل طريقه لعمل المكرونه البشاميل. (ملحوظه هامه ياريت اللي يعملها يراعي عدم كثرة الزيوت عشان صحتنا.)

شاهد أيضا..

طريقة عمل المكرونة المبكبكة باللحمة على طريقة دولة ليبيا

مكرونة الحلة الواحدة باللحمة المفرومة وسر الصوص الأحمر الرهيب

No Comments

Leave a comment

لن يتم نشر عنوان بريدك الإلكتروني. الحقول الإلزامية مشار إليها بـ *